مافي شك ان ماتصنعينه في مطبخك سيدتي افضل بكثييير من اكل افخم المطاعم وارقاها ولو كان خبز وجبنه وزيتون
لذلك ما امكنك اعداده بالبيت فلا داعي لاقتنائه من السوبر ماركت
اليوم انا جايبتلكم كيفية صنع المرتديلا بالمنزل خطوة خطوة
وصدقوني بتطلع اطيب بكثير من الجاهزة وكمان شغل ايدك وما في اي مواد حافظة او منكهات او ملونات
الاولاد حبوها كثير وزوجي كمان ماعاد بيرضى يجيبها من السوبر ماركت
المقادير بدك
300غ لحم بقر او دجاج مفروم فرم ناعم جدا واذا بدك تمزجي الاثنين بيطلع اطيب
100غ دقيق سميد
بضع شرائح من المشروم( اختياري)
3بيضات
3قطع جبن كيري
6معالق كبار زيت
2معالق كبار بقدونس مفروم
3فصوص ثوم مفرومة فرم ناعم
ربع ملعقة صغيرة فلفل اسود
ربع ملعقة صغيرة فلفل احمر حلو
اذا بتحبي الطعم الحاذق فيكي تزيدي فليفلة حادة مقطوعة قطع رفيعة
وملح حسب الرغبة
بتحطي اللحم اولا في الخلاط والزيت وبتخلطي وانت بتضيفي باقي المكونات تدريجيا لحد الحصول على كتلة متجانسة تماما
اذا ما كان عندك القالب الخاص لصنع المرتديلا فيك تاخدي غلاف السباكيتي وبتحطي فيه الخليط وتتركي قيل من الفراغ مو كثير وتقفلي باحكام شديد يعني الخيط لازم يكون مامون انه ما ينفسخ اثناء الطهي
ممكن كمان تستعملي غلافين فوق بعض لتكون النتيجة مضمونة
وبتحطيه في طنجرة مليئة بالماء عالنار
مدة الطهي 45 دقيقة
وماتنسي تقلبي مشان ينضج عالجهتتين
بعد المدة المحددة ترفعيه من عالنار وتستني ليبرد تماما قبل ما تقطعيه
ملاحظة مهمة لا يجب تركه في الثلاجة اكثر من اربعة ايام
اذاكانت اسرتك صغيرة قللي من كمية المكونات او بامكانك تقطيعه حسب احتياجات اسرتك والاحتفاظ به في المجمد
والف صحة وهنا
ولا تحرموني من دعائكم