مرحبا حبيت احكي هي القصة القصيرة يمكن تعجبكم ويمكن لأ
اول اشي اعزروني انا مش رح احكي باللغة العربية الفصحة
حسب اقامتي بسوريا في عنا معسكر بكل سنة من شهر سبعة يشارك فيه اكبر تجمع فلسطيني
وهاد المعسكر هو اكبر معسكر فلسطيني اسمو معسكر عائدون
فكان معنا عدد كبير من الاجئين من جميع انحاء الشتات سوريا واللبنان والاردن والضفة من الشباب الفلسطينية الي تشردو عن قراهم ال48 احدى النقاشات كانت عن عرب الداخل الي سكنين باراضي ال48 ويحملو الجنسية الاسرائيلية كان كل الشباب بالنقاش وللاسف كانت الاغلبية من الضفة تنظر الهم كخونة وباعو ارضهم
انا كنت ضد هاد الكلام طبعا بس مش هون الموضوع الموضوع انو في بنت ادغلت وسالتنا ازا ممكن تبدي رايها فلكل وافق فحكت البنت انو في جمعية بال48 اسمعها جمعية ناطرينكم وهي عكس عادئون يعني انتم عائدون ونحنا ناطرين عودتكم فحكت البنت انو دعيت جمعيتها مركز يافا الثقافي لتشارك بمعسكر فكانت ه البنت من اول المشاركين ببداية المعسكر تم الافتتاح بالنشيد الوطني الفلسطيني عم تحكينا البنت انو كان الكل يطلع على عرب ال48 لأنو كانو يلفتو النظر برتابتهم ولبسهم وجمالهم وهدوئهم فجاة عند بداية النشيد كل الشباب والبنات من عرب ال48 صارو يبكو بعد انتهاء النشيد سالت البنت احد الشباب انو ليش صرتو تبكو وقت صار النشيد حكالها ولا اشي اي واحد بيسمع اشي باثر فيه لازم يبكي صار وقت التعرف فكان كل واحد لازم يمسك المايك ويطلع قدام الجميع ويعرف بنفسو ودراستو ومسكنو البداية كانت بشباب الضفة عرفو عن انفسهم بعدهم صار دور عرب ال48 طلعو الشباب عم تحكي البنت انو الجميع اتفاجئ كيف كان تعريف الشباب من عرب ال48 لأنو كل واحد طلع اختصر التعريف بجملتين يعني يطلع كل واحد ويحكي انا اسمي فلان فلان ويحكي دراستو واسمالجمعية الي هو فيهاهي ناطرينكم سالتهم البنت ليش ما حكيتو انتو من وين ام حكالها نحن شعب ولدنا لكي لا نزكر وخلقنا من اجل العزاب ولا وطن لنا ولا حتى اهل ولا من يقيم لنا عزاء
حكتلو شو قصدك بالكلام حكالها نحنا غرباء في وطننا لما يذهب اي حد فينا على قسم شرطة بدو يشتكي على يهودي
بيحكولو روح انت فلسطيني مش منحقك تجي هون انت عربي انت ابصر ايش من هاد الكلام لما يروح عند الفلسطينية بيحكولو انت يهودي انت اخدت جنسية عدوك انت خاين انت وانت وانت وانت حكالها هاد كلو كان كافي انو ما نزكر احنا من وين لأنو ما ابنعرف نحنا من وين من اي بلد محدش فينا بيعرف اسم الرئيس محدش بيعرفو لا اولمرت بيرضى يحكي عنا ولا عباس حتى الدول العربية نسيونا واسرائيل كل يوم ويوم بتهد بيوتنا وبتبني بدالها مساكن لليهود احنا ما بعناش احنا صمدنا على ارضنا وازا بدك تعرفي ليش نحنا صرنا نبكي لما طلع النشيد الوطني لأنو قبل ما انقابلكم كنا متوقعين انو تخدونا بالاحضان ونبوسكم وتشيلو همنا ونشيل همكم اتفاجئنا انو كل واحد فيكم صار يبعد عننا وكأنو احنا الي جبنا اسرائيل وسكناها عندنا ابكينا كيف هاد النشيد بيجمع كل الفلسطينية من جميع انحاء الارض معكم ومعهم كل اللاجئين وساكن الضفة وغزة بس لليوم هو مش قادر يجمعنا مع بعض كلياتنا حفظينو وبنوقف بشموخ بس نسمعو بس لليوم هو ما قدر يجمعنا نحنا لما عملنا المشروع عملنا عشان انشيل الفرق الي بيناتنا عشان محدش عنا يقول انا غريب في وطني بس بالظاهر غريب الوطن ما بحقلو يطون منتسب لوطن