تويتر
سيرآن مع جدي
بكل يوم في شي بهالحياة بيلهمنآ ولليوم ولبكرة كان واحد من يلي بلهموني بحياتي جدي الغالي
ولليوم كآن في جمعة للعيلة نجتمع كلنا ونبلش سيران لعنده ومن عنده لجباله
جدو انسان رائع جدا رغم كل ظروفه الصحية الصعبة, حبه للأرض ما بينتهي معطاء لدرجة كبيرة كتير, حب يجمعنا بشي سيران متل ايام ما كنا وصغارما يصدق يشوف احفاده يمسك باديهم وياخدهم ع جباله ويعلمنا قديش الأرض غالية, متل ما نحنا غاليين عليه تماماً.
رح بلش مشوارنا من وقت طلعنا من باب البيت و كان شرط علينا قبل الطلعة نودع بسبوستنا يلي ما بتفارق قوار الريحان .
ودعناها واخدنا السيارة وغنية" السيارة مش عم تمشي" بالمسجلة و هالغنية بتعطي جو حلو وكنا من ايام الطفولة نشغلها وقت السيران والرحلات
ومشيت فينا لوصلنا لطريق حبينا نبلش منه مشوارنا
ببداية الطريق كان في حجار مرصوفة فوق بعضها وهالشغل كان من فلاحين القرية وصدقا شغل مرتب كتير
ولسا كان مشوارنا طويل لنلتقي بجدو ع راس الجبل وبطريقنا الوالد لفت انتباهه نبات ما بينساه ابدا
هاد النبات قلنا اسمه فيجن وقال سموها اجدادنا بهالاسم لانه وقت كانه ياكلوها يهلوسه ويسيره متل المجنين
وبابا عن تجربة أكلها وقت كان صغير و صابه تشنج وما كان عنده قدره على انه ياكل
وسيران اكتر واكتر وبداية الجبل عم تظهر عم تلاحظه بالصورة سلاسل الصخور وهي برعاية وكالة الاغاثة الزراعة
و عبداية مدخل الجبل رح نبلش بسلسلة قصيرة من النباتات يلي لفته انتباهنا
مدخل الجبل
طلعنا اكترو كان ناطرنا زهور الخشخاش يلي بتزهر بلادنا بكل ربيع
وكمان قرن الغزال اكيد التوأم الشقيق يلي بطل مع الخشخاش
بتزكر ايام ما كنت طفلة كنت اعمل منهم اكليل حطه ع شعراتي
وكان من ضمن هالنباتات يلي انتشرت بسفح الجبل نبات العليق يلي سبق وزكرت بوضوع سابق انه صار علاج للسرطان
النبات عبارة عن ضلوع خضراء نحيفة كتير واكتر ما بتنو بين الصبار
هالنبات بيغلوه وبشربه منقوعه وزكر كزا مواطنين انه تم شفائهم بشكل تام من مرض السرطان
وحاليا بجامعتي البرفسور بشار سعد بيعمل تجارب على خلايا السرطانية ونبات العليق لاثبات النتائج
صور اخرى لنباتات برية
وقبل نهاية مشوارنا كان لازم نقعد وما نفترق قبل لايشعل جدو النار
وهالنار هي كانت كرمال غلاية القهوة العربية يلي ما حلي المشوار بدونها
المشوار كان 4 ساعات
وهيك بكون انتها مشوارنا لهاليوم ونحنا بطريق الرجعة للبيت
هالسيارة مش عم تمشي
بدنا حدا يدفشها دفشة
بيحكو عن ورشة تصليح
وما عرفنا وين هي الورشة
مبارح شفناهن رايحين
على قمر العشاق طالعين
و نحنا بمطرحنا واقفين
والسيارة مش عم تمشي
يغيب نهار يطل نهار
والناطر ناطر على نار
بيجي مختار بيروح مختار
والسيارة مش عم تمشي
بتمنالكم أيام سعيدة
وبتمنى كل القيم الحلوة ,حب الأرض الوفا العطاء ترسي بقلوبنا اكتر واكتر
بأمان الله
تعليق