منصة زاجل الإجتماعية

تقليص

تجربتي في الزراعة .. خيار - بمية- بتنجان

تقليص
X
تقليص
 
  • الصفحة لـ 3
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • Aih14
    زراعي جديد
    • Apr 2014
    • 18
    #1

    تجربتي في الزراعة .. خيار - بمية- بتنجان

    بسم الله الرحمن الرحيم
    و السلام عليكم على الأخوة الاعضاء

    أولاً أنا لسا مشترك من كام دقيقة

    و حبيت اعمل موضوع عن خبرتي في الزراعة الي اكتسبتو من ناس و منتديات تانية
    بس أنا لقيت أن في المنتديات الي كنت عليها مافيش تفاعل لحد ما لقيت الموقع بتعكو


    أنا كنت بزرع حاجات كتير بس للأسف كنت بفشل بسبب الطيور كانت بتاكل اي حاجه بتطلع

    المهم دي كانت محاولة ثانية ليا

    أنا بزرع عن طريق خليط البيئة الي هو البتموس و الكلام ده

    __________________________________________________ ___________

    نبدأ بالتربة بتعتي

    التربة بتعتي
    عبارة عن قالب بتموس .. و شوية رمل يعدلو كمية البتموس
    المفروض ان بحط مع الخليط ده برليت على شان التهوية
    بس أنا هزرع حاجه بسيطة و البرليت بيتاع في شكاير
    ثانياً المفروض يكون عندي بدرو بلاط الي هي كربونات الكالسوم لتخفيف ملوحة البتموس
    لان بدرة البلاط مادة قلوية
    فانا بستعمل الرمل بنسبة 1:1 بتموس
    على شان الرمل قلوي و هيخفف ملوحة البتموس
    و في نفس الوقت هو هيساعد تهوية التربة لكنو في التهوية مش زي البرليت طبعاً


    أولاً
    أنا جبت قالب البتموس و ده ثمنو 5 جنيه
    ووضعتو في 4 لتر مية
    و سبتو 24 ساعة









    ثانياً
    نيجي بقى للرمل
    الرمل في بعض الملح فيجب غسلو
    و كمان يجب تصفيه من الحصى الي فيه
    أنا الرمل بتاعي عارف مصدرو و عارف أنو بيتجاب من مكان كويس فبالتالي مبغسلوش
    بس بصفية من الحصى و ساعات بتلاقي طفلة دي كويسة بس أفركها زي الرمل كده








    ثالثاً
    و ده خليط البتموس و الرمل مع بعض



    __________________________________________________ __________________________________________________ _________________

    أنا بدأت في زراعة الخيار

    دي عبارة عن بزور الخيار
    و أنا زرعتها في أكياس صغيرة على هيئة شتلات
    بس الغلط الي أنا عملتو أني عرفت أن الشتلات لما تنتج لازم تكون في حاجه أصغر من كده على شان يسهل حملها و نقلها
    و بعدين الشتلة ديماً تتنقل بعد ما تطلع أربع ورقات
    و غالباً في كل النباتات بتطلع اول ورقتين شكل و من أول الورقة الثالثة بتبقى شكل ثاني خالص
    هنا أنا شلت الشتلة بتعتي ووضعتها في وعاء اكبر
    و بعدين وضعتها في وعاء اكبر لما طلعت ال4 ورقات

    الري :- كان تقريباً كل يمين أو ثلاثة حسب جفاف التربة
    الشمس :- تقريباً الشمس بتتصلط على المكان الي الزرف فيه ساعة او ساعة و نص في اليوم و ده قليل أنا عارف
    بس المكان بتاعي غربي
    التسميد :- بيبقى بعد نقلها للوعاء الكبير بمعنى بعد ظهور ال4 ورقات
    و بستعمل سماد أسمو PNK 20 20 20 الكيلو منو بـ 7 جنيه
    و ده بتاخد بيه نص ملعقة شاي و تدوبها في لتر ماء و ترش بيه الورق و تسقي بيه التربة
    الكلام ده كل أسبوع مره
    في ناس بتضع ملعقة صغيرة على سطح التربة و ترش مية و خلاص

    أنا بحاول اغلف الزرع بتاعي بحاجه زي الكيس كده اسمها أسترتش و أخرمها للتهوية
    على شان الطيور ماتكلش الزرع بتاعي







    الكلمات الدلالية (Tags): لا يوجد
  • Aih14
    زراعي جديد
    • Apr 2014
    • 18
    #2
    البامية :D

    دي بزور البامية
    و بردو زرعتها شتلات ... و دي بداية ظهور الشتلات بقلها كام يوم

    في وحده بس لحظت أن ورقها مسفر مش عارف السبب بس أعتقد أنو الأسفرار ده هيروح












    __________________________________________________ _________________________________


    البتنجان الرومي
    بتاع المسقعة و الطبيخ الغامق :D :D :D

    أنا للأسف لسا زرعو انبارح
    دي شكل البزور و دي كانت
    بس المرادي اتعلمت أني المفروض حط تربة بقيمة نص الكوباية الي بزرع فيها دي
    على شان الجزور متنتشرش و يبقى سهل نقلها







    إن شاء لله هتابع معاكو
    خطوة بخطوة



    ملحوظة:-
    بس للي ناوي يستعمل مخلفات الأزايز زيي كده
    لازم أي حاجه تزرع فيها تتخرم من تحت على شان
    الزائد عن المياه ينزل تحت لأن التربة ممكن تعفن و الجزور تعفن

    تعليق

    • dani1
      زراعي نشيط
      • Jan 2014
      • 102
      #3
      مشاركة جميلة ومجهود كبير لك مني كل التقدير واتمنى ان نرى ثمرة مجهودك قريبا
      أنا الذي محت الامطار كلماتي حينما كنت تحت الامطار أكتب قصيدة عن المطر
      وضاع قلمي حينما أرسلته فوق سيول الأمطار لينقذ ما تبقى من حروفي الغرقى

      تعليق

      • سُلاف
        مشرفة المواضيع الإسلامية
        من مؤسسين الموقع
        • Mar 2009
        • 10535
        #4


        تجربة موفقة ان شاء الله وشرح موضح لكل الخطوات بالتفصيل

        اشكرك اخي على هذا المجهود القيم وان شاء الله نتابع معك تطور نمو المزروعات

        بالتوفيق يا رب





        ​

        تعليق

        • Aih14
          زراعي جديد
          • Apr 2014
          • 18
          #5
          السلام عليكم

          دلوقتي أنا نقلت الخيار بس واضح أن في تلف في بعض النباتات إيه السبب مش عارف

          و دي صورة موضحة للإنبات الجيد للخيار
          الصورة دي من يومين يعني النبتة أكبر من كده كمان









          دي صورة لإثنين الي فيهم مرض أو ضرر
          أولا:- عندهم ضعف نمو
          ثانية :- في أسفرار في الورق الغير أصلي ( الورقتين الأولنين في الظهور )
          ثاثا:- تهم وضع سماد PNK 20 20 20 بمقدار كالأتي
          ربع ملعقة شاي على التربة ثم الري و في نفس الوقت كمان وضعت ربع ملعقة شاي و رشيت الورق بتاع الزرع كولو







          ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
          بالنسبة للبمية :D

          لاحظت أن في فرق في نمو بعض الشتلات عن الثانية فجبت شتلة من الي نموها ضعيف جنب شتلة من الي نموها كويس
          و حطيت على الشتلة الي نموها ضعيف سماد أسمو السوبر فسفات الكيلو منو بجنيه و البياع قالي أن مافيش منو ضرر بس هو هيفوق الزرع
          و فهمتو أني زارع شتلات قالي و مالو عادي

          المهم أهي تجربة

          دي الي إنبتها كويس



          و دي الي أنبتها ضعيف



          و ده مقدار السوبر فسفات الي حطيتو على التربة






          بنسبة للبتنجان أنا لسا مستنى أي بوادر

          تعليق

          • محمد سكر
            مشرف عالم الأفكار والتجارب الزراعية
            • Oct 2009
            • 474
            #6
            ما شاء الله لا قوة الا بالله

            أكثر ما يعجبنى فيك أخى تصميمك على إكمال الطريق مهما كانت العوائق او الصعوبات وما أمتلك هذا التصميم سوف يصل حتماً عاجلا أو اجلا بارك الله لك أخى فى مجهودك وإن شاء الله تاكل من غرس يديك أجمل خضراوات

            أخى أرى انك واضع شتلات الخيار داخل اكياس بلاستيك والجو الان حار ولا يحتاج الخيار فى هذا التوقيت تغطية بالبلاستيك اما بخصوص مرض احد الشتلات من الخيار اشعر ان البلاستيك الموجود حول الشتلات هو سبب ذلك فالبلاستيك رفع درجة الرطوبة بشكل كبير حول الشتلة

            تعليق

            • أرض الشام
              !! الألــفــ 4 ــــيــة !!
              • Sep 2010
              • 4387
              #7


              مآ شآء الله
              تمنياتي لك بالتوفيق اخي


              تم اختيار الموضوع من قبل الادارة و إرفاقه الى صفحة المزرعة نت
              للاطلاع على الرآبط

              https://www.facebook.com/mazra3a.net?ref=hl
              Melde dich bei Facebook an, um dich mit deinen Freunden, deiner Familie und Personen, die du kennst, zu verbinden und Inhalte zu teilen.


              ملاحظة: هذه المشاركة إخبارية و لآ تستوجب منك الرد





              https://www.layalina.com/site-images...2014&croptop=1

              قبل ان ترحل ,, كان علي ان اوضح لك أمراً
              معك انا خسرت اكثر مما ربحت
              وفي اليوم الذي ظهرت فيه على حقيقتك
              لم تعد تعني لي شيئا ...






              تعليق

              • فلسطـ ثائر ـيني
                زراعي جديد
                • Jun 2013
                • 16
                #8
                ممتاز .. الله يوفقك يا رب

                تعليق

                • Aih14
                  زراعي جديد
                  • Apr 2014
                  • 18
                  #9
                  رد: تجربتي في الزراعة .. خيار - بمية- بتنجان

                  المشاركة الأصلية بواسطة محمد سكر مشاهدة المشاركة
                  ما شاء الله لا قوة الا بالله

                  أكثر ما يعجبنى فيك أخى تصميمك على إكمال الطريق مهما كانت العوائق او الصعوبات وما أمتلك هذا التصميم سوف يصل حتماً عاجلا أو اجلا بارك الله لك أخى فى مجهودك وإن شاء الله تاكل من غرس يديك أجمل خضراوات

                  أخى أرى انك واضع شتلات الخيار داخل اكياس بلاستيك والجو الان حار ولا يحتاج الخيار فى هذا التوقيت تغطية بالبلاستيك اما بخصوص مرض احد الشتلات من الخيار اشعر ان البلاستيك الموجود حول الشتلات هو سبب ذلك فالبلاستيك رفع درجة الرطوبة بشكل كبير حول الشتلة

                  طيب لتوضويح فقط من أجل الأستفادة من خبرة حضرتك

                  أنا مثلاً زرعت 8 بزرات في علب صغيرة ثلاثة منهم الي طلعو و الباقي يا أما أتأخرو في الطلوع أو الي أكلهم الطيور و هكذا عموماً أنا هزرع غيرهم

                  في ثلاثة و لو سمناهم رقم 1 و 2 و 3
                  رقم 1 القوية الي فيهم ...
                  أولا ورقها كبير
                  ثانياً :- نموها أسرع
                  دي بقى هي لما طلعت أربع ورقات نقلتها و حطيت حاجه زي جدار من الأكياس البلاستك أو من الأسترتش زي ماهو موضح بالصورة
                  و دي مازات نموها كبير و كويس

                  نيجي بقى لرقم 2 و 3
                  أولاً نموهم بطيئ جداً ... و حجم الورقة نصف حجم رقم 1
                  ثانياً بعد نقلهم الورق أسفر و بعدين أنا سيبهم مفتوحين من فوق مش زي رقم واحد مغلفها بجدار كبير من الأسترتش أو البلاستك

                  برجاء المساعدة يا جماعة

                  تعليق

                  • محمد سكر
                    مشرف عالم الأفكار والتجارب الزراعية
                    • Oct 2009
                    • 474
                    #10
                    أخى الحبيب أن تجد شتلة أقوى من شتلة أمر يصعب تحديد سببه خصوصا وانت تقول ان المعاملة تقريبا واحدة فربما تكون البذرة من الاساس ضعيفة فاخرجت نبات ضعيف وبالتالى كان تأثره أكبر بما حوله وخصوصا وانت تقول انهم فقط ثلاث شتلات فلو كانت الكمية كبيرة بها عدد كبير وهناك جزء كبير ضعيف وجزء آخر صحيح فربما كان إخراج السبب فى هذه الحالة ميسراً فى النهاية لا أريدك أن تشغل بالك كثيراً بالاختلافات بين نمو الشتلات فهذا امر طبيعى سوف يحدث معك كثيرا ولن تجد إجابة واضحة لهذا السبب لان الامر فعلا صعب التشخيص فى ظل هذا العدد البسيط وطالما ان الشتلات جيده فخيرا إن شاء الله

                    تعليق

                    • Aih14
                      زراعي جديد
                      • Apr 2014
                      • 18
                      #11
                      شكراً يا أستاذ محمد سكر ... على ما أعتقد أننا أتقبلنا في منتدى أخر صح ؟؟؟؟

                      تعليق

                      • محمد سكر
                        مشرف عالم الأفكار والتجارب الزراعية
                        • Oct 2009
                        • 474
                        #12
                        رد: تجربتي في الزراعة .. خيار - بمية- بتنجان

                        المشاركة الأصلية بواسطة Aih14 مشاهدة المشاركة
                        شكراً يا أستاذ محمد سكر ... على ما أعتقد أننا أتقبلنا في منتدى أخر صح ؟؟؟؟
                        هههههههههههههه أكيد صح انا وراك وراك

                        تعليق

                        • Aih14
                          زراعي جديد
                          • Apr 2014
                          • 18
                          #13
                          هههههههههههههههههههه
                          شكراً يا أستاذ محمد ... و لاي حد يقرا الموضوع بتاعي
                          الأستاذ محمد سكر هو أستاذي في الزراعة

                          تعليق

                          • محمد سكر
                            مشرف عالم الأفكار والتجارب الزراعية
                            • Oct 2009
                            • 474
                            #14
                            رد: تجربتي في الزراعة .. خيار - بمية- بتنجان

                            المشاركة الأصلية بواسطة Aih14 مشاهدة المشاركة
                            هههههههههههههههههههه
                            شكراً يا أستاذ محمد ... و لاي حد يقرا الموضوع بتاعي
                            الأستاذ محمد سكر هو أستاذي في الزراعة
                            ربى يبارك فى عمرك اخى الحبيب نحن جميعاً نتعلم من بعضنا ويساعد كلا منا أخيه بما رزقه الله من علم ولو بسيط فلا فضل لاحد على أحد فكلنا نسير فى طريق التعلم وإكتساب الخبرة شئ فشيئا

                            تعليق

                            • Aih14
                              زراعي جديد
                              • Apr 2014
                              • 18
                              #15
                              ظهور بوادر زهور الخيار ... ظهور الورقة الرابعة للبامية

                              السلام عليكم يا أخواتي و أساتذتي

                              تجربتي في الخيار كانت كالأتي
                              فرحتي إنهردا بزهور بوادر ورد الخيار لا توصف :D :D :D
                              يعني أهلي قالو عليا عبيط أنهردا من الفرحة :D :D :D


                              بس ما زال الإثنين الي نموهم ضعيف زي ما هما للأسف
                              و مش عارف أعملهم إيه
                              عموماً أنا حطيت بزور جديدة و مستني النتائج





                              __________________________________________________ _

                              بالنسبة للبامية بتحاول تطلع الورقة الرابعة







                              ______________________________
                              _____________________________
                              _____________________________
                              _________________________________
                              _________________________________
                              _________________________________

                              دي صورة ملهاش دعوة بالموضوع بس أنا قلت للي يحب يتفرج على ورد الجرجير :D








                              -------------------------------------------
                              ------------------------------------------
                              ----------------------------------------------
                              ------------------------------------------
                              ----------------------------------------------
                              ---------------------------
                              -------------------------------------
                              ---------------------------------------------
                              ------------------------------------------
                              --------------
                              ---------------------------------


                              سؤالي هنا بقى ... دلوقتي انا من يوم ما زرعتهم كنت برويهم كل يومين تقريباً و لما باجي أرويهم بلاقي التربة جافة تماماً
                              و الري بيبقى عن طريق الرش على الأوراق و التربة كمان

                              هل الموضوع ده هيختلف في الصيف ولا لازم ازود الري

                              تعليق

                              السابق 1 2 3 template التالي

                              مواضيع شائعة

                              تقليص

                              لا توجد نتائج تلبي هذه المعايير.

                              جاري المعالجة..
                              X